پہلی دو روزہ  بین الاقوامی  سیرت کانفرنس

    بعنوان   :  سیرت ِ رسول ﷺ کی عصری معنویت اور  عہد ِجدید کی تحدیات

زیرِ اہتمام  :    ادارہ عربی وعلومِ اسلامیہ،گورنمنٹ کالج ویمن یونیورسٹی،سیالکوٹ

بتعاون :      ہا ئیر ایجو   کیشن کمیشن پاکستان ، اسلام آباد

                                                                                                                                                                                                                                                                                                                                                                                                                                                              سیرت سٹڈی سینٹر،سیالکوٹ کینٹ      

 

عصر جدید    جہاں اپنی سائنسی ترقی کے بام  عروج   تک جاپہنچا ہے وہیں  اپنے جلو میں  ایسے بہت سے  مسائل و چیلنجز لئے ہوئے ہے  جو مسیحائی و رہبری کے منتظر ہیں۔ ان حالات میں  امت مسلمہ کی بالعموم اور دین   قیم سے وابستہ  افراد کی بالخصوص یہ ذمہ داری ہے کہ وہ   اقوام عالم کی رہبری و امامت کا فریضہ انجام دیں جو کارنبوت  کی تکمیل کےبعد ان کے سپرد ہے ۔اور  اس مغالطہ کا سد باب کیا جاسکے کہ دین اسلام  دور جدید کے تقاضوں ، مسائل اور چیلنجز سے نبرد آزما ہونے کی صلاحیت نہیں رکھتا۔۔   سیرت طیبہ کا یہ اعجاز ہے کہ ہر نوع اور ہر آن تبدیل ہوتی ہوئی دنیا کے ہمرکاب ہے اور  ہمہ جہت    رشد وہدایت کے ایسے باب وا کرتی ہے کہ جو  بھٹکی  ہوئی انسانیت کو نشا  ن منزل  نہیں بلکہ منزل دوام   عطا کرتی ہے۔ نیز غیر مسلموں تک سیرت طیبہ کے اخلاقی و روحانی اور آفاقی پہلوؤں کو پہنچانے کے لئے  ضرورت اس امر کی ہے کہ سیرت محمدی ﷺ کے تاریخیت ، کاملیت ، ابدیت  اور عملیت کے پہلوؤں کو  اجاگر کیا جائے۔   ان مقاصد و اہداف کے حصول کے پیش نظر  جی سی ویمن  یونیورسٹی   اور  سیرت سٹڈی سینٹر ، سیالکوٹ  کینٹ کے باہمی اشتراک سے دو  روزہ  قومی سیرت کانفرنس  بعنوان  : سیرت ِ رسول ﷺ کی عصری معنویت اور  عہد ِجدید کی تحدیاتکاانعقاد کیا جارہا ہے ۔جس میں  امت مسلمہ کو درپیش  عصری تحدیات ( مذہبی  ، معاشرتی، معاشی ، سیاسی)  کے اسباب و علل ، تدارک ،لائحہ  عمل اور مجوزہ  اقدامات   کا جائزہ لیا جائے گا ۔ اس کانفرنس میں مذکورہ بالا  موضوع سے متعلق  اہم مباحث پر علمی وتحقیقی مقالات  لکھنے  کےلئے ارباب علم ودانش کو  دعوت دی جاتی  ہے۔

                     کانفرنس کے  مجوزہ  مباحث ومحاور

محور اول :              

 سیرت طیبہ کے علمیاتی و اطلاقی مباحث۔ عصری سماجی و اخلاقی تناظر میں

جدید سماجی ادارے اور فرد کی انفرادی تربیت ۔تہذیبی مسائل

عصری اجتماعیت اور فرد کی سماجی تربیت ۔ اداروں کے عملی کردار کا تجزیہ

ذارئع ابلاغ کے انفرادی و عمرانی اثرات ۔ سیرت طیبہ کی روشنی میں تحدیدات

ارھاب (دہشت گردی) محرکات و عوامل اور تدارک۔ عالمی منظرنامہ اور سیرت طیبہ

عصری سماج کی اخلاقی تشکیل نو اور سیرت طیبہ کے اصول  اخلاق

 محور دوم :

جدید معاشی  فکرو فلسفہ اور اس کے عملی مظاہر ۔ سیرت نبویہ کی روشنی  میں  انتقاد و لائحہ عمل

معاشی اجارہ داری اور استحصالی  نظمِ معیشت۔ نبوی منہاج کی روشنی میں تدارک

معاشی مساعی میں عورتوں اور بچوں  کی شرکت ۔ مسائل ، نتائج اور حل

معاشی عدل کے نبوی اصول

کاروباری اخلاقیات   اور عصری معاشی نظام

معاشی حقوق  کی نبوی اساسیات  اور جدید معاشی نظام

 محور سوم :

عصرِ جدید میں مذہبی مباحث  کا منہاج اور اس کے  موضوعات ۔ علمِ سیرت  سے  استفادہ

مکالمہ بین المذاہب ۔حدود و قیود اور عصری ترجیحات

تشکیک  وا نکار ِ مذہب کی عقلی ، سائنسی اور تہذیبی جہات ۔دعوت کا نبوی لائحہ عمل

بین المسالک ہم آہنگی کے اصول اور عملی اطلاق

مذہبی انتہاپسندی کے عصری رجحانات ۔اسباب و تدارک

محور چہارم :

عصری سیاسیات  اور ریاستی نظام۔ نبی ﷺ کی سیاسی زندگی کا اطلاقی مطالعہ

جمہوریت سے متعلق علمی مباحث

عصری نظمِ ریاست کے عناصر ِ ثلاثہ (حکومت ، مقننہ اور عدلیہ)

حکمرانوں کی دینی ذمہ داریاں

عالمی سیاسی نظام اور مسلمانوں کے لیے لائحہ عمل

 مقالہ پیش کرنے کی شرائط :

خلاصہ بحث اے فور سائز کے ایک صفحے پر مشتمل ہو۔ <

مقالہ کانفرنس کے مرکزی یا ذیلی عنوانات میں سے کسی ایک موضوع سے متعلق ہو۔ <

مقالہ میں عصری تحدیات کا پہلو  ضرور مدنظر رکھا جائے  اور ان کا جامع ومدلل حل عصری تناظر  سےمربوط  کر کے پیش کیا جائے ۔ <

اسلوب تحقیق اور مصادر وماخذ کے حوالہ جات  کے لحاظ سے  مقالہ نگار  علمی تحقیق کے اصولوں   کو مدنظر  رکھا  جائے ۔ <

علمی مقالہ پہلے کسی کانفرنس میں پیش نہ کیا گیا ہو اور نہ ہی کسی  مجلہ میں شائع شدہ ہو۔ <

 مقالہ  ( ایم ایس  ورڈ) میں کمپوز کیا گیا ہو۔ فونٹ سائز   ۱۴ اور ہیڈنگ ۱۶ فونٹ میں ہو۔ <

مقالے کی ضخامت بشمول  مصادرو مراجع  اے فور سائز کے ۲۰ صفحات پر مشتمل ہو۔ <

حوالہ جات فٹ نوٹ میں جبکہ کتابیات کی فہرست     مقالہ کے آخر میں درج کی جائیں۔ <

مقالہ کا خلاصہ و مکمل مقالہ منظوری کے لئے جامعہ کی جانب سے  مقرر کردہ کمیٹی کے سامنے  پیش کیا جائے گا۔ کمیٹی کا فیصلہ  حتمی ہوگا۔ <

پیش کردہ مقالہ جات  واپس نہیں کئے  جائیں گے اور  مجلس  علمی وجہ بتانے کی پابند نہیں ہوگی۔ <

مقالہ کی سافٹ وہارڈ  کاپی دونوں ارسال کی جائیں نیز ہمراہ  ایک صفحہ کے ذاتی کوائف فراہم کئے جائیں ۔ <

مقالہ جات اردو ، عربی اور انگریزی زبانوں میں پیش کئے جاسکتے ہیں۔ <

مقالہ کا پہلا صفحہ  مقالہ کے عنوان ، مقالہ نگار کے نام و ذاتی  کوائف  سے  و رابطہ نمبر وایڈریس پر مشتمل ہو۔ <

منتخب مقالہ جات  ریویو کے  بعد شائع کئے جائیں گے۔

اہم تاریخیں:
خلاصہ جمع کروانے کی تاریخ   :           12جنوری 2018

                خلاصہ کی منظوری کی اطلاع   :          18  جنوری 2018

                مکمل مقالہ وصولی کی تاریخ   :            18فروری 2018

                مقالہ کی منظوری کی اطلا ع  :             25فروری 2018

                                                                                                          انعقاد          کانفرنس
21-22-مارچ    2018                 

نوٹ : محققین سے درخواست ہے کہ مقررہ تاریخوں کی پابندی ملحوظ رکھیں۔

کانفرنس  کے  انعقادکا مقام : سیرت سٹڈی سینٹر، سیالکوٹ کینٹ۔

برائے مراسلات :

ادارہ عربی وعلوم اسلامیہ، جی سی ویمن یونیورسٹی ، سیالکوٹ۔

 Email :  [email protected]

 برائے استفسارات :

    0333-4509288, 0300-7767139, 0333-4 914041

چیف آرگنائزر : ڈاکٹر سیدہ سعدیہ

    آرگنائزر :  ڈاکٹر محمد ارشد

کوآرڈینیٹر : ڈاکٹر نسیم محمود

  معاون کوآرڈینیٹرز : ڈاکٹر شبیر حسین  ، مس  نورین بٹ۔

نوٹ :  محققین کے علاوہ  دیگر جامعات کے طلباء و طالبات  جو کانفرنس میں شرکت کے خواہشمند ہیں

ان سے گذارش ہے کہ وہ رجسٹریشن فارم مکمل کرنے سے پہلے  بنک  چالان  جمع کروائیں۔

    رجسٹریشن کے لئے درج ذیل لنک   پر کلک کریں۔

ڈائون لوڈ   چالان فارم
ڈائون لوڈ  رجسٹریشن فارم

 نوٹ

 رجسٹریشن کرانے والے افراد کے لئے کھانے اور چائے کا انتظام ہو گا۔